ايجي سبورت - سقطت الفنانة هدى الإتربي في فخ حلقة اليوم من برنامج "رامز إيلون مصر" المذاع عبر قناة MBC مصر، واستقبلها الفنان رامز جلال بمقدمة ساخرة قال فيها: "معانا نجمة مشهورة محدش عارف ليه، يمكن علشان نافخة الشفايف، ولا مدملكة زي القطايف، النجومية دلوقتي بقت بالبروز".

وأضاف رامز: "النجمة اللي معانا منبع الفيلر، بتعبي السليكون بالكوز. مستحلية نفسها وفاكرة محدش قدها، النهاردة هردها على البارد، وأكسر جناحها اللي فارد. معانا الشيست المفترس، إيرباجز الجيل".

وسخر رامز من إطلالة هدى الإتربي عقب وصولها للبرنامج قائلا: "جاية من الحرفيين على هنا، مفيش عدالة في التوزيع وفي مناطق جت على مناطق، إيه الشعر ده؟ مش بتحط زيت أملا دي بتشربه، واللي زي دي لازم واحد يمشي وراها بطشت أحسن شوية سليكون يتدلدقوا، وإنت لابسة بودي ولا بودي آرمر".

«رامز إيلون مصر» 

تدور فكرة "رامز إيلون مصر" حول استدراج ضحية المقلب إلى المشاركة في لجنة تحكيم برنامج اكتشاف المواهب "جولدن تالنت"، إلى جانب النجمة نوال الزغبي، ونجم نادي الاتحاد والمنتخب السعودي محمد نور، بالإضافة إلى رامز جلال، والمذيعة بسنت شمس، التي تلعب دور مقدمة برنامج المواهب.

ويبدأ المقلب فعليا عندما تتم دعوة الضيف أو الضيفة إلى المشاركة في اختبار اختراع طبي لأحد متسابقي المواهب، وهو "روبوت" يعمل بالذكاء الاصطناعي، يمكنه إجراء فحص طبي شامل للمريض خلال 10 دقائق.

لكن قبل ذلك، يكون رامز جلال قد تم استبداله بشخص آخر خلال فقرة إحدى المواهب، ليعود للظهور على المسرح بشخصية الروبوت "زنجباري"، ويبدأ عندها المقلب واختبار قوة تحمل الضيف المربوط في سرير دوار، ويستكمل رامز المقلب بعد الكشف عند نفسه.