ايجي سبورت - منذ انطلاقه، أحدث تطبيق إنستا باي (InstaPay) ثورة في عالم التحويلات المالية الإلكترونية داخل مصر، حيث وفّر للمستخدمين وسيلة سريعة وآمنة لتحويل الأموال بين الحسابات البنكية والمحافظ الإلكترونية باستخدام الهواتف الذكية. 

جاء التطبيق كجزء من استراتيجية البنك المركزي المصري لتعزيز الشمول المالي والتحول نحو مجتمع أقل اعتمادًا على النقد.

ومع تحقيقه انتشارًا واسعًا واعتماد ملايين المستخدمين عليه في تعاملاتهم اليومية، أعلنت الجهات المصرفية المختصة قرار إلغاء مجانية التحويلات عبر التطبيق، ليبدأ فرض رسوم على المعاملات بعد فترة طويلة من تقديم الخدمة مجانًا. أثار هذا القرار جدلًا واسعًا بين المستخدمين، خاصةً مع اعتماد الكثيرين على إنستا باي في تحويلاتهم المالية الشخصية والتجارية.

في هذا التقرير، نستعرض مراحل تطور التطبيق منذ إطلاقه، وأهم ميزاته التي جعلته الخيار الأول للمعاملات الفورية، إضافةً إلى تداعيات قرار فرض الرسوم وتأثيره على مستخدمي الخدمة ومستقبل التحويلات المالية الرقمية في مصر.

 

أعلنت شبكة المدفوعات اللحظية عن بدء تطبيق رسوم إنستا باي الجديدة اعتبارًا من 1 أبريل 2025، ليكون هذا التحديث بمثابة نهاية لمرحلة التطبيق المجاني، حيث تهدف الشركة إلى تعزيز جودة خدماتها وضمان استدامة العمليات المالية بكفاءة.

رسوم إنستا باي 2025 الجديدة

بموجب الرسوم الجديدة، ستتطبق رسوم قدرها 0.1% على قيمة المعاملة في حال تحويل الأموال عبر إنستا باي، مع حد أدنى قدره 50 قرشًا وحد أقصى يبلغ 20 جنيهًا مصريًا لكل عملية.

كما سيحصل المستخدمون على 10 عمليات استعلام عن الرصيد شهريًا مجانًا، بينما ستُفرض رسوم بقيمة 50 قرشًا على كل عملية استعلام إضافية.

تأتي هذه التحديثات بعد أن شهد تطبيق إنستا باي توسعًا كبيرًا منذ انطلاقه في أبريل 2022، حيث كان يوفر خدمات التحويل والاستعلام مجانًا لمدة ثلاث سنوات.

ومع زيادة عدد المستخدمين، الذين تجاوزوا 12 مليون مستخدم بنهاية 2024، تسعى إنستا باي لتوسيع بنيتها التحتية الرقمية وإطلاق ميزات جديدة، بما يتماشى مع رؤية البنك المركزي المصري في التحول الرقمي.

 

موعد تطبيق رسوم إنستا باي 2025 الجديدة

ابتداءً من غدًا، 1 أبريل 2025، سيبدأ العمل بتطبيق الرسوم الجديدة.

وكان العديد من مستخدمي التطبيق قد بدأوا في التساؤل حول كيفية تأثير هذه الرسوم على تجربتهم اليومية، خاصة بعد السنوات الثلاث من الاستخدام المجاني.

 

كيفية التسجيل في تطبيق «إنستا باي»

خطوات التسجيل وإنشاء حساب على تطبيق «إنستا باي»، التابع للبنك المركزي:

1- تنزيل تطبيق «إنستا باي» على الهاتف المحمول سواء أندرويد أو ios.
2- إدخال رقم الهاتف المحمول الخاص بالعميل والمسجل في البنك لربط الحساب البنكي بتطبيق «إنستا باي».
3- إدخال المعلومات الأساسية (الاسم – تاريخ الميلاد – البريد الإلكتروني).
4- اختيار كلمة مرور قوية.
5- تأكيد رقم الهاتف.
6- إضافة معلومات الحساب البنكي.
7- تحديد عنوان الدفع اللحظي.
8- إنشاء رمز سري لحسابك في «إنستا باي».

 

كيفية استخدام انستا باي ؟

انستاباي يمكنك من إجراء تحويل لاحظي لأي بطاقة ميزة مسبقة الدفع في البنوك المشتركة في الخدمة من خلال ما يلي : 

اضغط على "إرسال نقود“ اضغط على بطاقة إليكترونية ادخل البيانات المطلوبة (رقم البطاقة واسم صاحب لبطاقة ومبلغ التحويل) ثم الضغط على "التالي" قم بمراجعة بيانات التحويل أدخل الرقم السري IPN PIN المكون من 6 أرقام واضغط على "إدخال“ تم التحويل بنجاح

مع انستا باي يمكنك إرسال طلب تحويل لأصدقائك باستخدام رقم الهاتف أو عنوان الدفع اللحظي كما يلي : 

1. إرسال طلب دفع
2. اضغط على "طلب الدفع"
3. مشاركة التحويل من عملاء آخرين من خلال "رقم الهاتف المحمول" أو "عنوان الدفع" أو"تقسيم فاتورة"
4. تم إرسال الطلب بنجاح
5. قبول طلب الدفع
6. يتم ظهور الطلب في قائمة الاشعارات في أعلى الشاشة "رمز الجرس"
7. ظهور نوع الطلب وعنوان الدفع في قائمة الاشعارات
8. اضغط على الاشعار المستلم لمعرفة تفاصيل الطلب واتخاذ اجراء سواء "التأكيد" أو "رفض"
9. للقبول أضغط على تأكيد
10. أدخل الرقم السري IPN PIN المكون من 6 أرقام واضغط على "إدخال"

مع InstaPay يمكنك عرض رصيد حساباتك البنكية المختلفة من تطبيق واحد:

اضغط على "إدارة الحسابات" اختر الحساب اختر عرض " عرض الرصيد" أدخل الرقم السري IPN PIN المكون من 6 أرقام واضغط على "إدخال"

يشمل تطبيق إنستا باي عددا من البنوك المصرية وهي:

1. البنك الأهلي المصري
2. بنك مصر
3. بنك القاهرة
4. بنك الإسكندرية
5. بنك قطر الوطني الأهلي QNB
6. البنك التجاري الدولي CIB
7. البنك العربي
8. بنك الشركة المصرفية العربية الدولية SAIB
9. البنك المصري الخليجي EG Bank
10. البنك العربي الأفريقي الدولي AAIB
11. المصرف العربي الدولي AIB
12. بنك التجاري وفا، البنك المصري لتنمية الصادرات Ebank
13. بنك البركة
14. بنك فيصل الإسلامي
15. بنك HSBC
16. بنك التعمير والإسكان
17. البنك الأهلي الكويتي
18. بنك أبوظبي الإسلامي
19. البنك الأهلي المتّحد، البنك العقاري المصري العربي
20. بنك الكويت الوطني
21. بنك قناة السويس
22. المصرف المتّحد
23. بنك أبوظبي الأول
24. كريدي أجريكول
25. بنك الإمارات دبي الوطني
26. بنك الاستثمار العربي
27. بنك أبو ظبي التجاري مصر
28. مصرف أبو ظبي الإسلامي مصر
29. سيتي بنك
30. بنك المشرق
31. Midbank

وفيما يلي ننشر أهم الأسئلة والأجوبة المتعلقة بالتطبيق وآليات استخدامه: 

س: ما هي البنوك المتاحة ع الانستاباي حالياً:

ج:  معظم البنوك تمت اضافتها بالفعل باستثناء:

• البنك الزراعي المصري.

• بنك التنمية الصناعية IDB.

• بنك المشرق.

• بنك المؤسسة العربية المصرفية ABC.

• ميد بنك MID Bank.

• بنك ناصر الاجتماعي.

• والبريد المصري.

ليه متمش اضافة البنوك او المؤسسات دي لسه؟

لتبعيتهم لهيئات اخرى غير البنك المركزي زي هيئة البريد وبنك ناصر الاجتماعي تابع لوزارة التضامن الاجتماعي.

 أهم مميزات انستاباي:

ج : • البرنامج مرخص ومراقب من البنك المركزي المصري

• إدارة جميع حساباتك البنكية من مكان واحد

• التحويل اللحظي بين حسابات كل البنوك

• سهولة إجراءات التحويل

• واجهة برنامج سهلة وبسيطة

حدود المعاملات المالية:

• الحد الأقصى شهريا: 400,000 جنيه

• الحد الأقصى يوميا: 120,000 جنيه

• الحد الأقصى للتحويلة الواحدة: 70,000 جنيه

ملاحظة 1: كل حساب له حدود سحب منفصلة. يعني لو عندك حساب في بنك مصر وحساب في البنك الاهلي ، فانت كده ليك حد تحويل 400 الف شهريا من كل حساب فيهم.

ملاحظة 2: لو عاوز تحول 90 الف ، هتقسمهم 70 ألف و بعدين 20 ألف.

هل البرنامج آمن؟

البرنامج تابع وخاضع لرقابة واشراف البنك المركزى المصري مباشرة، أتاكد برده من على موقع البنك المركزي نفسه:
https://www.cbe.org.eg/ar/payment-systems-and-services/national-payments-council-npc
https://www.cbe.org.eg/ar/news-publications/news/2022/12/cbe-issues-new-decisions-to-support-egypt%E2%80%99s-less-cash-transformation-strategy

روابط تحميل البرنامج:

يتم تنزيله من خلال البلاي ستور او الاب ستور.
 

في رسوم ع التحويل؟

لا ، البرنامج مجاني تماما وحتى اشعار اخر. 

لقيت مصاريف مخصومة في كشف الحساب؟

اتصل بخدمة عملاء البنك التابع ليه واعرف منهم سبب الخصم (غالباً بيكون مصاريف تجديد الحساب او غرامة الحد الأدنى) .

ينفع أحول من حسابي البنكي لمحفظة اليكترونية؟

أيوة ، لكن العكس لا.
 

ينفع احول من محفظة اليكترونية زي فودافون كاش لحساب بنكي؟

لأ ، على الأقل حتى الان. وان كان ع أمل أن تكون متاحة قريباً.

عاوز احول لحساب بره مصر؟

البرنامج بيحول بين البنوك المصرية فقط حتى الان. وغير متاح التحويل الدولي.
 

عندي حساب شركة ومش عارف اسجل في التطبيق؟

البرنامج بيدعم حسابات الأفراد فقط ، ولا يدعم حساب الشركات حتى الان، قريباً هتنزل نسخة خاصة للشركات.

ينفع احول من حسابي الشخصي لحساب شركة؟

أيوة ينفع برقم الحساب:
1- اختار البنك
2- اكتب رقم حساب الشركة.
3- أتأكد من البيانات ، وحول.

هل يمكن إضافة كارت المشتريات Credit card؟

حتى الآن لا مش ممكن اضافتها الى البرنامج. بس ممكن تحول ليهم لسدد المديونية مثلاً.

هل يمكن إضافة الكارت المدفوع مقدماً Prepaid card؟

لو نوعها ميزة او ميزة المرتبات الحكومية ايوة تضاف بشرط ميكونش نازل عليهم خاصية المرتب مقدما.

ازاي احول فلوس على الفيزا؟

لو عندك فيزا وعاوز تحولها او تسددها

• اضغط علي ارسال نقود Send Money

• ثم اضغط بطاقه الكترونيه Card

• ادخل رقم البطاقه ( ١٦ رقم )

ينفع اضيف اكتر من حساب بنكي؟

أيوة ينفع ، وهيشتغلوا و تحول من اى واحد فيهم عادي.

ينفع أعمل انستاباي بنفس الرقم اللي عليه فودافون كاش؟

أيوة ينفع ، انستاباي برنامج لإدارة حساباتك البنكية وليس محفظة اليكترونية فمفيش مشكلة انك تربط رقمك بانستاباي حتى لو مربوط بمحفظة اليكترونية في نفس الوقت.

ينفع أحول لحد معندوش حساب ع انستاباي؟

أيوة ينفع ، بتبعتله على حسابه البنكي.

1. هتختار التحويل عن طريق البنك.

2. تختار البنك

3. اكتب رقم حسابه و المبلغ وحول.

ينفع اخد سكرين للمعاملة عشان أكد التحويل للمرسل اليه؟

التطبيق مبيسمحش بأخذ لقطة شاشة - Screenshot ، بس تقدر تضغط على المعاملة بتاعتك وبعدين تنزل تحت خالص هتلاقي مكتوب "مشاركة إيصال" هتضغط عليها واعمل مشاركة Share للايصال براحتك.

إرشادات لتجنب أخطاء التحويل:

1. راجع عنوان الدفع او رقم الحساب او رقم التيليفون والاسم اكتر من مرة ، وتأكد من أنك كاتبهم صح.

2. حول مبلغ صغير ( 1 جنيه مثلا ).

3. أتأكد من وصوله بنجاح.

4. ضيف بيانات المرسل اليه للمفضلة - Favorite في البرنامج بالضغط على علامة النجمة جنب اسمه في ايصال التحويل.

5. حول بقى المبلغ اللي عاوز تحوله بس اختار عنوان المرسل اليه من المفضلة. و بكده انت متاكد ان خلاص البيانات سليمة وجربتها.

 

6. ممكن تحول باستعمال رقم تيليفون صاحب الحساب المراد التحويل له , وساعتها ممكن تختاره من جهات الاتصال (Contacts) عندك.

7. أستخدم خاصية طلب دفع - Collect Money لما تيجي تحول لحد فلوس. خليه يبعتلك طلب دفع بالمبلغ اللي عايز تحولهوله. في الحالة دي كل اللي عليك تدوس موافق و المبلغ هيتحوله.

كده هتحول بأمان وبدون أخطاء.

اعمل إيه عشان ماغلطش لو بحول برقم التيليفون ؟

1. سجل الرقم في جهات الاتصال Contacts.

2. افتح البرنامج ، في صفحة التحويل هتلاقي أيقونة 'جهات الاتصال - Contacts' دوس عليها.

3. اختار الرقم اللي هتبعتله، وحول.

مشاكل التسجيل في البرنامج:

1. لازم يكون الخط المربوط بالحساب البنكي راكب في الموبايل اللي هتسجل في التطبيق منه. (ملاحظة: عند ازالة الخط بعد التفعيل هيطلب منك غالباً اعادة التفعيل مجدداً، عشان كده ميفضل تشيلها خالص)

2. افتح الموبايل داتا من الشريحة المرتبطة بحسابك البنكي وبلاش الواي فاي وانت بتسجل.

3. لو في اكتر من خط ع الموبايل فك الخط التاني.

4. بخصوص مشكلة ارسال رسالة التفعيل: لازم تدي البرنامج كافة صلاحيات الرسائل الخاصة. ليتمكن من ارسال رسالة التفعيل الى خوادم Servers الشركة. (سيتم ارفاق صورة توضيحية)

5. حدث بياناتك في البنك سواء بالاتصال بيهم او مشوار للفرع. وغالباً هتستنى 48 ساعة لحد ما البيانات تتحدث ، وبعدها جرب تسجل تاني.

حولت غلط اعمل ايه؟

1. افتح انستاباي

2. هتلاقي قدامك خيار طلب دفع-Collect Money.

3. ابعتله طلب دفع-Collect Money من نفس الحساب اللي حولت منه مرة تاني بكرر من نفس الحساب اللي اتحول منه الفلوس.

4. ابعت الطلب على نفس عنوان الدفع اللي بعتله الفلوس

 

5. تحت في الملاحظات - Notes اكتب رقم موبايلك وانك حولت كذا بالغلط.

6. هتلاقي تحتها مدة الصلاحية ، خليها شهر.

7. هتنتظر بقى يوافق او يرفض هو وضميره. وطالما مجالكش تم رفض الطلب او declined يبقى الافضل تنتظر متفضلش تنشر صورة التحويل في كل مكان و اسم المرسل اليه ظاهر عشان النصابين ميجروش وراه.

هل في حل اخر ؟

اه بس للاسف صعب. هتروح البنك بتاعك تعرف البنك ورقم الحساب اللي حولت عليه. وبعدين تروح البنك المحول ليه الفلوس تحاول (بشكل ودي) تخلي الموظف يكلم صاحب الحساب ويعرفه اللي حصل ويطلب منه يرجعلك الفلوس ويا يوافق يا يرفض هو وضميره.

لو وصلني رصيد بالغلط أعمل ايه؟

ده اختبار من ربنا ليك ولامانتك هترجع الحق لصاحبه ولا. وطالما التحويل ظاهر عندك في انستاباي هتلاقي عنوان دفع المرسل ظاهر عندك ، مش محتاج تستنى على طول رجع الفلوس على نفس الحساب. لو عاوز تتواصل معاه الاول يبقى حوله 1 ج مثلا واكتب في الملاحظات تحت رقم موبايلك.

يعني ايه ipa؟

هو عنوان الدفع أو الاسم الخاص بيك ع البرنامج زي كده ايميلك ع الجيميل مثلا ، وهي اختصاراً لــ Instant Payment Address

متنساش:

1. تسجل عنوان الدفع IPA بتاعك علشان لو غيرت موبايلك أو حصله حاجة تلاقيه. عشان تعرف تخش ع حسابك من تاني.

2. تشكر كل اللي ساعدك على حل مشكلتك.

3. تحدث بوستاتك بالحل اللي وصلتله لتعم الفائدة.

أسئلة مكررة:

انا عملت تحويل لواحد وظهرلي ان العمليه قيد الانتظار؟
انا عملت تححويل وفشل بس المبلغ أتخصم من حسابي؟
في الحالتين المبلغ غالبا بيترد لحسابك خلال 48 ساعة ، ونادرا   ما بيوصل للطرف الاخر خلال نفس ال 48 ساعة دي. عامة الموضوع مش محتاج تقدم شكوى للبنك ، بس لو عاوز تقدم شكوى مش هتخسر حاجة. اتصل بالبنك اللي حسابك تابع ليه وقدم الشكوى وان كان كده كده هترجع خلال 48 ساعة (يومين عمل رسمي).

نسيت الباسورد اعمل ايه؟

باسورد الدخول للبرنامج: نزل الابلكيشن ودوس حساب جديد ، اختار البنك ،واكتب رقم البطاقة والباسورد، هتظهرلك البيانات كلها.

باسورد الدخول للبرنامج: هو نفسه باسورد الموبايل او البصمة.
باسورد التحويل: اعمل باسورد جديد هتلاقيه في اعدادات الحساب البنكي لو دست عليه في البرنامج. وهتلاقي صورة مرفقة.